[sigplus] Критическая ошибка: Папка галереи изображений news2022/20221007 как ожидается будет относительно пути базовой папки изображений, указанной в панели управления.

Дзень 6 кастрычніка 2022 года ў дзяржаўнай установе адукацыі «Сярэдняя школа № 43 г.Магілёва» прайшоў пад дэвізам «Беларуская мова — мелодыя сэрца...».

У арганізацыі і правядзенні адзінага дня беларускага маўлення прымалі ўдзел настаўнікі і вучні 5-11 класаў.

Чацвер пачаўся з урачыстага аб’яўлення акцыі «Размаўляй са мной па-беларуску». Вучні 11 класа прапанавалі ўсім папрактыкавацца ў перакладзе слоў з рускай мовы на беларускую, прачытаць вершы на роднай мове, назваць 10 любімых слоў па-беларуску. За кожнае выкананае заданне ўдзельнікі акцыі атрымлівалі салодкія пачастункі.

Затым пачалася прэзентацыя віншавальных паштовак «Пажаданні роднай мове», у якіх вучні 5-6 класаў выказвалі сваю любоў да роднай мовы.

Вучні 7 «Г» класа з настаўніцай беларускай мовы і літаратуры наведалі ў школьнай бібліятэцы выставу «Сэрцам роднага слова краніся». Бібліятэкар школы Багамаз А. І. расказала пра кніжныя навінкі на беларускай мове, якімі папоўніліся бібліятэчныя фонды і паліцы кнігарняў. Вучні яшчэ раз упэўніліся, што родная мова ніколі не знікне, будзе гучаць заўсёды, слова будзе жыць у вяках.

У рамках беларускамоўнага чацвярга вучні прынялі актыўны ўдзел у стварэнні інтэрактыўнага воблака слоў «Маё любімае слова па-беларуску».

Для вучняў 8-х класаў прайшло пазнавальнае мерапрыемства «Таямніцы роднай мовы». Падлеткі адказвалі на пытанні, перакладалі словы з рускай мовы на беларускую, падбіралі да ўстарэлых слоў сучасныя адпаведнікі.

Вучні старэйшых класаў разам з настаўнікамі арганізавалі інтэрактыўныя музычныя перапынкі, на якіх гучалі песні на роднай мове.

У час правядзення віктарыны «Пазнай твор па першым радку» вучні 3-4 класаў дэманстравалі свае літаратурныя веды.

Усе жадаючыя змаглі прыняць удзел у конкурсе творчых работ «За што я люблю родную зямлю». У сваіх работах вучні і настаўнікі выказвалі сваё бачанне дасягненняў роднага краю, планавалі перспектыву яго развіцця, перадавалі свае пачуцці і эмоцыі да роднай зямлі на лістах паперы.

Беларускі чацвер атрымаўся павучальным, змястоўным і цікавым. Мерапрыемствы садзейнічалі развіццю інтэлектуальных магчымасцей вучняў, іх творчых здольнасцей, выхаванню любові і павагі да роднай мовы, падтрымлівалі цікавасць да яе вывучэння.

Ніхто не застаўся абыякавым.

Настаўнік беларускай мовы і літаратуры
Цэвялёва В.У.

{gallery}news2022/20221007{/gallery}