Неверагодны касмічны заяц у Парыжы ў Луўры
[sigplus] Критическая ошибка: Папка галереи изображений news2022/20220210 как ожидается будет относительно пути базовой папки изображений, указанной в панели управления.
Творы юных мастакоў з узорнай студыі выяўленчага мастацтва «Шар» ДУК «Палац культуры вобласці» можна пабачыць на выставе ў парыжскім музеі Луўра, які штогод наведваюць больш за 10 мільёнаў чалавек з розных краін свету. У сталіцы Францыі праходзіць міжнародная выстава «Адзін свет — адна будучыня».
Выстава мае вялікі поспех, арганізавалі яе Сусветная харчовая праграма ААН (найбуйнейшая ў свеце гуманітарная арганізацыя, якая забяспечвае штогод каля чатырох мільёнаў тон прадуктаў харчавання, лаўрэат Нобелеўскай прэміі міру (2020) і Кітайская еўрапейская элітная біржа. Гэта амаль тысяча работ дзяцей і моладзі з болей чым трох дзясяткаў краінаў, у тым ліку і з Беларусі.
Малюнкі юных мастакоў прысвечаны свету, у якім яны жывуць. Гэта шчырыя работы, тут і настаўніца, і бацькі, і жывёлы: ад тыгра да неверагоднага касмічнага зайца, і шмат чаго іншага. Як напісала прэса: «Выстава ў музеі Луўра стала ўвасабленнем мастацтва дзяцей усяго свету і дадала фарбаў і цяпла гэтай халоднай зіме».
Студыя выяўленчага мастацтва «Шар» працуе ў магілёўскім Палацы культуры вобласці больш за 20 гадоў, у ёй займаюцца больш за паўсотні дзяцей. Сярод іх ёсць сапраўдныя зоркі дзіцячай мастацкай творчасці, адна з іх вучаніца сёмага класа магілёўскай гімназіі № 3 — Браўкова Любава, малюнкі якой прадстаўлены на парыжскай выставе.
Удзел у такой выставе — прэстыжная справа. Малюнкі некаторых мастакоў будуць прададзены дзеля дабрачыннасці. Выстава «Адзін свет — адна будучыня» паспрыяе міжнароднаму супрацоўніцтву ў галіне мастацкай адукацыі. А дзеці — гэта надзея на будучае развіццё свету і чалавечай супольнасці.
Віншуем Браўкову Любаву і яе кіраўніка Талантаву Наталлю Міхайлаўну з выхадам на высокі міжнародны ўзровень і жадаем далейшых творчых поспехаў!
Усе малюнкі на фота Любавы, якія знаходзяцца на выстаўцы ў Парыжы.
Чытайце пра гэту падзею
https://mogilevgymn3.znaj.by/services/news
http://www.zorika.by/?p=58653
https://ok.ru/profile/578832766401/album/874249402817/919049420993
Глядзіце пра гэту падзею
https://youtu.be/lcfZxt2A1XQ з 33:05 хвіліны
Белта
https://www.belta.by/regions/view/kartiny-detej-iz-mogileva-ukrasili-luvr-482352-2022/
АНТ
https://ont.by/news/risunki-detej-iz-mogileva-popali-na-vystavku-v-luvr
Перадача «Ранёхонько»
https://vk.com/wall-101478707_58418
Цыхоўская С.В.,
рэдактар «Гімназічнага весніка»,
настаўнік беларускай мовы і літаратуры